Saudi Pro League

Anderson Talisca fòfè pou match demen vandredi a kont Al-Qadisiyah. Match sa ap Konte pou onzyèm jounen Saudi Professionnal League la. Malerezman, jwè a pa prè fizikman.

Chanpyona Arabi Sawoudit la ap reprann dwa l demen vandredi a avèk 11èm jounen an kòm randevou. Tout sa, se apre trèv entènasyonal la kote se seleksyon yo ki t ap frape. Pou ouvèti a, twa match ap gen pou jwe, pami yo gen Al-Nassr vs Al-Qadisiyah. Fas pou fas sa se yon match chòk ki ap fè 3èm lan (Al-Nassr) kontre ak 5èm lan (Al-Qadisiyah). Men Talisca p ap kapab patisipe nan konfwontasyon sa apre desizyon Stefano Pioli. « Blese, li pako prè fizikman pou match la..», deklarasyon Italyen an.

Absans Talisca pou match la se yon kou di pou Stefano Pioli. Nan efektif la, brezilyen an se youn nan meyè bitè Al-Nassr. Nan 9 rankont li jwe nan chanpyona, li fè 6 gòl. Apre Talisca, Aymeric Laporte pap prezan nan match la. Li oblije antre nan peyi lafrans pou l ale wè e pran swen papa l. Pou fini, 3 pwen separe 2 klèb sa yo. Si Al-Qadisiyah bat, l ap vin gen men m valè pwen epi kole ak advèsè l ap genyen an.

KÒMANTÈ

Dènye atik yo