Saudi Pro League

Avan chòk 5èm jounen Saudi Professionnal League la ki ap mete fas pou fas Al-Ittihad ak Al-Hilal vandredi k ap vini la, Al-Ittihad ki t ap jwe kont Al-Wehda yè aprèmidi fè yon viktwa (3-0) nan kad 4ème jounen chanpyona Arabi a.

Nan yon kòmansman match ki te gen anpil ekilib, Al-Ittihad ki pèdi atakan fransè a sou yon blesi kontinye sou menm lanse a. Gras ak 3 bitè sa yo Romarinho 63èm minit ki te make premye gòl la, Jota ki te antre nan plas KB9 te agrave eskò nan 67èm minit avan Igor Coronado te tiye espwa Al-Wehda nan 73èm minit (3-0). Viktwa sa N'Golo Kanté fè ak koyekipye li yo konfime premye plas yo nan klasman Saudi Professionnal League la aprè 4 jounen.

Karim Benzema ki se nouvo atakan Al-Ittihad te kite match la aprè yon chòk li sibi nan men Jawad El Yamiq ki se jwè Al-Wehda. Ansyen jwè Real Madrid lan te eseye kontinye jwe men li te oblije kite tèren an akoz li pa t kapab kontinye. Malgre blesi a, ekip la konnen yon bèl viktwa.

KÒMANTÈ

Dènye atik yo