Nan okazyon 20èm jounen MLS la Inter Miami te resevwa ekip Colombus crew la nan estad Lockhart Stadium mèkredi 19 jen 2024 la, Inter Miami bat 2-1, entènasyonal ayisyen an Shanider Borgelin te rantre nan match la nan 76èm minit.
Ekip Inter Miami an te ouvè eskò a nan 10èm minit, se jamayiken Ian Fray ki te fè gòl la, nan 21èm minit Campana te jwenn gòl 2-0 a, ekip Colombus crew la te fè gòl nan 40èm minit, se ak eskò 2-1 ekip yo te rantre nan vestyè.
Aprè poz la, ekip Colombus la te mete pye sou boul la men sa pa t chanje anyen nan eskò match la, entènasyonal ayisyen an Borgelin te ranplase Robert Taylor nan 76èm minit, aprè viktwa sa Inter Miami kenbe tèt klasman ès la ak 41 pwen, n ap raple Inter Miami pa t genyen prezans Messi ak Suarez akoz prezans yo nan Copa America a.
Pa rate nouvèl ak analiz sou foutbòl an Kreyòl gras ak nou