Nan kad 22èm jounen MLS la Inter Miami te deplase pou jwe ak ekip Nashville la nan estad Geodis Park aswè 29 jen 2024 la, Inter Miami bat 2-1 Alba se youn nan bitè ekip la.
Pou yon 3èm fwa san prezans Messi ekip Inter Miami an mete devwa l pwòp, Ian Fray te ouvè eskò a nan 40èm minit, Jordi Alba te fè dezyèm gòl la nan 44èm minit sa ki te pèmèt ekip inter Miami an rantre nan vestyè a ak avantaj 2-0.
Aprè poz la, ekip Nashville lan te chanje konpòtman nan 71èm minit li te redwi eka 2-1 Ak Mukhar ki te make sou penal, eskò a rete konsa jouk match la fini sa ki bay ekip inter Miami an viktwa e pèmèt li pi byen chita nan tèt klasman an ak 44 pwen.
Pa rate nouvèl ak analiz sou foutbòl an Kreyòl gras ak nou