MLS

Inter Miami te twouve l fas pou fas ak ekip Nashville la ayè samdi 19 dawout 2023 a nan kad Final League Cup la , match la fini 1-1, Inter de Miami pran tit la nan seyans penal.

Se ekip Inter Miami a ki te ouvè eskò anvan gras ak ajanten an Leonel Andres Messi ki te mete yon bèl frap nan 23èm minit e te pèmèt floridyen yo mennen 1-0. Nan dezyèm peryòd la entènasyonal ayisyen an Fafa Picault te kreyr aksyon ki pèmèt ekip Nashville la egalize sou yon otogòl.

De ekip yo pa t rive pran avantaj eskò a aprè egalizasyon an, yo te oblije pran chimen seyans penal, Se Messi ki te ouvè seyans penal la e li te reyisi, ansyen Koyekipye l nan ekip Barcelone nan Sergio Busquets te choute e li te reyisi.

apre yon jwè nan chak ekip te fin rate, se te tou pa 2 gadyen yo, penalite gadyen inter Miami an ki se Drake te reyisi alòske Elliott Panicco ki se gadyen ekip Nashville la te rate penal pa l la sa ki te tou ofri tit la ak Inter Miami.

League Cup la se premye konpetisyon ajanten an ranpòte ak nouvo klèb li epi se premye konpetisyon ekip Inter Miami an ranpòte depi 3 lane egzistans li.

KÒMANTÈ

Dènye atik yo