MLS

Nan dezyèm match uityèmdefinal MLS la Inter Miami te deplase pou afwonte ekip Atlanta United la nan Mercedes-Benz Stadium nan Inter Miami tonbe 1-2, gen yon 3èm match pou detèmine kiyès ki pral jwe pwochen faz la.

Ekip Inter Miami an te ouvè eskò a nan 40èm minit aprè ajanten an Rodondo te bay paragweyen an David Martinez yon pas, premye peryòd la te fini 1-0 nan avantaj Inter Miami ki te genyen prezans tout zam li.

Aprè poz la ekip Atlanta United la poze Inter Miami kesyon, nan 58èm minit Williams ki se yon ilandè te egalize pou Atlanta United ,ekip la te tou ap jere do l, nan 90+4 ekip Atlanta United la te fè yon pote boure, entènasyonal ris lan ki se ansyen jwè Atalanta Alekseï Mirantchouk te fè yon pas pou Xande Silva se la tou 2-1 an te fèt nan avantaj Atlanta United.

Aprè yon viktwa pou chak ekip nan de (2) match ki jwe sa ki vin a egalite 1-1 gen yon 3èm match ki pwograme lakay ekip Inter Miami a samdi 9 novanm lan pou konnen kiyès ki ap kalifye.

KÒMANTÈ

Dènye atik yo