Nan 34èm jounen MLS la Inter Miami te resevwa ekip New England Revolution nan Lockhart Stadium samdi 19 oktòb la, Inter Miami malmennen New England 6-2, aprè New England t ap mennen 2-0, Messi sot sou ban li fè 3 gòl.
Ekip New England Revolution an te ouvè eskò a nan 2èm minit jwèt la, nan 34èm minit 2-0 sou ekip Inter Miami an, Inter Miami te ba l repons lapoula ak Luis Suarez nan 40èm epi 43èm minit 2-2, eskò a tou rebalanse premye peryòd la fini 2-2.
Nan dezyèm peryòd la Messi te rantre nan jwèt se te nan 57èm minit , li ta pral fè ekip New England la peye sa l te fè nan premye peryòd la, Cremaschi fè gòl 3-2 a nan 58èm minit, Messi ki fè rès yo nan 78èm ,81èm epi 89èm minit , ajanten an fè 3 gòl pou mete match la 6-2.
Viktwa sa bay ekip Inter Miami an 74 pwen nan tèt klasman an.
Pa rate nouvèl ak analiz sou foutbòl an Kreyòl gras ak nou