MLS

Lionel Messi nan MLS la pote anpil benifis. Pri pou achte yon kat pou kapab gade match ekip Inter de Miami an pa sispann monte, lè ekip la an deplasman pri a monte plis, enfòmasyon ki disponib fè kwè pri match Inter de Miami depase pri kat yon match NFL sa nou rele foutbòl ameriken an.

Ou nan vakans Etazini, ou gen anvi fè tèt ou plezi pou al gade Messi ki ap jwe? Prepare w ou ap bezwen anpil lajan pou ou achte kat la.

Depi lè ajanten an rive nan Inter de Miami, anpil moun nan lakou Etazini toujou prè pou al gade youn nan pi gwo foutbolè jenerasyon pa yo a bay, a wi li se youn nan gwo yo vre chif yo pale pou li wi 7 balon dò, Koup Dimond, Lig Dè Chanpyon, chanpyona, soulye lò ak yon dividal gòl, mete sou bann lòt koze, nèg la fè koze ki pa ret ak koze nan mond foutbòl la, li rive nan peyi Etazini li fè yon lòt koze, prix pou al gade yon match ekip li pase a plis pase 19 fwa lavalè.

Pou premye match li ak Inter de Miami lè sa se te nan vil Dalas, pri kat pou al gade match la te pase a 864 dola ameriken, se NBC ki se ki yon konpayi odyovizyèl ameriken ki bay chif sa. Se 20 fwa plis kòb ou te konn achte kat pou gade match ekip la avan Messi te vini, sa pase Filadèlfi tou, pou match demi final League Cup la tout kat fin vann nan mwens pase 60 minit e kat yo vann a plis pase 600 dola.

Avan Messi te vini jwe nan peyi Etazini se match NFL ki te konn gen kantite moun sa, epi pri kat match NFL ki se foutbòl ameriken an te toujou pi chè, jounal Wall Street site konsa « pri pou revann yon Kat Inter de Miami lè l ap jwe lakay li se 282 $, li depase pri Fanatik NFL la peye pou gade match nan NFL la sezon pase kote pri a te 251 dola, pi piti lajan w ap bezwen pou w gade yon match ekip Inter de Miami an lè li ap jwe deyò se 400 dola».

KÒMANTÈ

Dènye atik yo