MLS

Inter Miami te fini nan premye plas klasman regilye MLS la. Pou uityèmdefinal yo, li te rankontre Atlanta United sou chimen l. Apre 3 match, rezilta tonbe, Messi ak ekip Inter Miami an pran vakans lè yo pèdi 3èm match la .

Nan dat 25 oktòb la, premye match uityèmdefinal la te jwe nan Lockhart Stadium lan, Inter Miami te bat 2-1. Dezyèm match la te jwe nan Mercedes-Benz Stadium, Atlanta United te bay ekip Inter Miami an repons li bat 2-1. Kòm Atlanta United bat dezyèm match la, li vin mete seri a 1-1, yon 3èm match te pwograme pou konnen kiyès ki ap kalifye.

Twazyèm match sa diskite nan samdi 9 novanm nan, nan Lockhart Stadium lan akòz Inter Miami te gen avantaj tèren an. Inter Miami te pran gòl avan nan match la, li te egalize 1-1. Atlanta United te rive menen 2-1, Messi te egalize 2-2. Atlanta ki pa t vle kite okenn chans ak ekip Inter Miami an, te fè yon 3èm gòl pou genyen 3èm match la e sòti 2-1 nan seri a pou voye ekip Inter Miami an nan vakans.

Nap raple, nan Faz regilye MLS la, Atlanta United te bat Inter Miami 3-1 nan ale se te kay Inter Miami. Nan retou a li te fini 2-2.

KÒMANTÈ

Dènye atik yo