Lòt Koze

Inter Milan afwonte ekip Atalanta Bergame nan vil Ryad jedi 2 janvye a nan okazyon match demifinal Sipèkoup Itali a, Atalanta tonbe 2-0, Denzel Dumfries ki fè tou de (2) gòl yo.

Se yon dyèl ki te mete fas pou fas chanpyon Itali sezon pase a ak lidè chanpyona pou sezon sa nan yon klasman ki sere anpil, eka a pa plis pase yon grenn pwen ki separe de ekip yo, Gian Piero Gasperini ki se antrenè ekip Atalanta, te kite sou ban de gwo pyès enpòtan ki se Ademola Lookman ak Charles De Ketelaere.

Lè de (2) meyè jwè ekip Atalanta te rantre sou teren nan 56èm minit Inter te gentan ap mennen 1-0 yon gòl Dumfries te fè nan 49èm minit. Defansè olandè an te fè dezyèm gòl la nan 61èm minit.

Atalanta te ka pran plis gòl si Marco Carnesecchi ki se gadyen ekip la pa t desizif devan Lautaro Martinez ak Federico Dimarco.

Inter, ki ranpòte 3 dènye Supercoppa italia yo, ap afwonte ekip ki bat nan match demifinal Juventus fas Milan AC.

KÒMANTÈ

Atik Popilè