GolAyiti se reyalizasyon plizyè jèn ki deside mete tèt yo ansanm pou patisipe nan fason pa yo nan devlopman peyi a, men sitou pou kase baryè ki anpeche nou jwenn enfòmasyon enpòtan sou foutbòl nan lang manman nou.

Nou kreye sit sa pou pataje enfòmasyon nan zafè foutbòl nan lang manman nou ki se Kreyòl. Rezon ki fè nou chwazi fè l konsa se pou ede enfòmasyon yo vini nan bon jan ti mamit bay konpatriyòt nou yo, kote chak enfòmasyon chak deklarasyon n ap jwenn yo nan lang nou metrize pi byen an. Konsa nou ap enfòme epi fòme tout moun pandan nou ap mete Kreyòl nou an devan e fè pwomosyon pou li. Sou sit lan n ap jwenn enfòmasyon tou sou skò match yo an dirèk, statistik match yo, klasman chanpyona yo, match pwograme, jwè ki blese e ki pap disponib...etc.

Yon lòt bagay ankò, ladann gen yon fowòm kote nou ap ka bwase lide a lòt konpatriyòt nou yo sou li, kote n ap ka fè analiz ak sa nou panse de match yo avan e apre yo jwe, kòmante yon transfè ak anpil lòt bagay toujou.

Pa ezite vizite chak pati sou sit lan, ban nou sijesyon, fè nou wè kèk erè pou nou kontinye amelyore sèvis n ap bay la

Ansanm nou fò.