Ti kras lespwa Kowasi te genyen pou kalifye pou dezyèm tou Euro 2024 la bwè lwil jodi madi an aprè match nil Angletè fas Sloveni an.
Koyekipye Luka Modric ki te espere yon viktwa Angletè ak twa gòl diferans, pèdi tout posibilite pou ta jwe uityèmdefinal Euro 2024 la.
Avèk sèlman 2 pwen pandan twa match li jwe nan gwoup B an, seleksyon kowat la p ap ka fini pami 4 meyè twazyèm k ap kalifye pou uityèm definal konpetisyon an.
Sloveni ki te dwe pèdi fas Angletè, fè yon match nil ki tou elimine Kawo damye yo nan konpetisyon an. Avèk twa pwen, Slovèn yo nan bò pa yo poko konnen kote yo gad.
N ap raple, Kowasi kite file chans kalifikasyon li an ayè lendi an nan match fas Itali an kote l pran yon gòl nan uityèm minit tan adisyonèl, aprè l t ap mennen 1-0 depi byen bonè nan dezyèm mitan an.
Poko gen kòmantè sou atik sa. Fè premye a.
Pa rate nouvèl ak analiz sou foutbòl an Kreyòl gras ak nou