Yon rezilta chòk pou Kowasi ki rate opòtinite pou te kalifye ayè lendi an avèk match nil sa li fè fas Itali nan dènye jou gwoup B an.
Malgre gòl Luka Modric la nan 55èm minit jwèt la, seleksyon kowat la pa rive genyen nan Red Bull Arena a avèk egalizasyon Itali nan dènye minit adisyonèl yo gras ak Zaccagni (90+8’).
Malgre rezilta sa, Kawo damye yo poko di babay matematikman nan Euro 2024 la. Kowat yo ap kalifye pou uityèm definal si Angletè genyen Sloveni ak twa gòl diferans, epi defèt Jòji ak Slovaki.
Yon senaryo trè konplike, men ki pa enposib. Koyekipye Luka Modric yo ap konn sò yo jodi madi an pou konnen si y ap rantre lakay yo oubyen kontinye jwe konpetisyon an nan peyi Almay.
Poko gen kòmantè sou atik sa. Fè premye a.
Pa rate nouvèl ak analiz sou foutbòl an Kreyòl gras ak nou