Nou Byen kontan ou vini sou fowòm GolAyiti a. Ankouraje moun ou konnen ki renmen foutbòl enskri sou fowòm nan tou pou diskisyon yo ka pi ekilibre epi pou gen plis patisipasyon. Tankou pwovèb la di "se kondisyon ki bat kòk". Lis ki vini apre a se yon lis règ, avètisman, prekosyon... elatriye sou fowòm GolAyiti a:

Fowòm sa gratis pou itilize, pa kite ankenn moun fèw peye pou sa.

Fowòm GolAyiti a gratis pou itilize e lap toujou rete gratis. Si yon fwa ou al sou yon fowòm ki sanble ak pa nou an epi yo mandew pou w peye, konnen se pa GolAyiti Nap toujou baw yon espas pou w pale de foutbòl ak moun kin konn foutbòl nan lang nou an sanw pap janm bezwen peye yon Goud pou sa.

Opinyon ki sou fowòm sa se pa pou moun ki poste yo a, yo pa angaje GolAyiti

Se vre diskisyon yo ap fèt sou fowòm GolAyiti, ou dwe toujou sonje se opinyon moun ki fè kòmantè a, kòmanse diskisyon an men se pa ekip GolAyiti a. Pa site nou kòm sous pou okenn enfòmasyon ou jwenn sou fowòm nan yon itilizatè poste. Nou konnen ap gen ide diferan, opinyon ki sanble ak nouvèl, rezònman ki byen fonde, nou apresye sa epi se yo kap fmete chalè nan diskisyon sou fowòm nan, men pa pran yo pou levanjil, se pa enfòmasyon GolAyiti verifye.

Ou dwe janti epi demontre respè pou tou moun sou fowòm nan

N'ap travay ansanm pou fowòm nan fè tout moun santi yo alèz. Ann trete youn lòt ak respè. Li nòmal pou nou fè deba ki sansib men evite joure moun.

Pa dwe gen pawòl rayisman ni moun k'ap maltrete lòt pou ankenn rezon

Asire w’ tout moun santi yo alèz e ansekirite. Nou pa aksepte moun maltrete, matirize lòt pou ankenn rezon. Ni nou pap aksepte youn ap di lòt pawòl denigre sou koulè yo, relijyon yo, moun yo chwazi renmen oubyen sèks yo.

Sou fowòm sa se sou foutbòl sèlman nou pale

Evite pale de politik, relijyon, pwoblèm pèsonèl oubyen nepòt lòt bagay ki pa gen rapò ak foutbòl sou fowòm nan. Menmsi se ta spò, depi sep ap foutbòl evite pale de li la yon fason pou nou ka rete nan kad foutbòl la jwèt nou renmen anpil la. Siw gen yon sijesyon kontakte nou pito, nap byen kontan konsidere sijesyon an

Pa fè pwomosyon ni fè reklam sou fowòm nan

Nou konpran ou ka tante pouw fè moun konnen pwodui oubyen sèvis wap bay, men tanpri pa fè sa sou fowòm nan, nap retirel tousuit. Bay plis ke ou pran nan gwoup la. Pa fè pwomosyon pou tèt ou oubyen voye lyen pou sit ki ka menm gen viris ak maefezan e ki pa gen anyen pou wè ak foutbòl. Sèl mwayen pou ou itilize yon lyen ki pa sit nou an se si wap apiye yon agiman oubyen wap bay sous saw di a.

Respekte vi prive tout moun

Fè pati de gwoup sa mande pou youn fè lòt lòt konfyans. Lè nou di sa k' nan kè n' sa ka fè diskisyon gwoup yo bèl men anmenmtan yo ka bagay prive lòt moun ki pa sou fowòm nan oubyen ki pa nan diskisyon an, nou dwe evite fmete moun sa malalèz.

Respekte tou règ sa yo ak règ byenseyans nou yo

GolAyiti gen dwa swa avètisman pou dezaktive nenpòt kont nenpòt lè, men objektif nou se pou nou genyen pis moun posib sou fowòm nan pou gen ide ki pataje, diskisyon ki fèt nan respè. GolAyiti ka avèti w si w pa respekte prensip ak kondisyon yo, nou ka dezaktive kont yon moun konsa pou kèk jou, semèn ak mwa. Konsa tou, nou dezaktivel nèt. Kidonk, toujou respekte règ jwèt la.

GolAyiti pap van enfòmasyon ou

GolAyiti pap bay oken lòt konpayi adrès imèl ou ak lòt enfòmasyon sou ou pou yo baw reklam. Men GolAyiti kapab voye imel ba ou ki gen rapò ak pwomosyon GolAyiti. chanjman sou sit nou an oubyen pwodui GolAyiti nap fèw konne

GolAyiti ap kowopera ak otorite nan peyi kote w ye a selon lwa yo

GolAyiti ap kowopere ak otorite ki nan peyi w ye a nan kad yon envestigasyon legal siw komèt enfraksyon swa sou GolAyiti oubyen ou te poste enfòmasyon sou GolAyiti ki ap ede envestigasyon