Lòt Koze

Ansyen jwè Real Madrid la, kapitèn seleksyon Pòtigal la, Cristiano Ronaldo ki ta sipoze jwe match nan ligdènasyon an anfas peyi Lasyèd nan vil Lisbòn jodi mèkredi 13 oktòb 2020 an vè 2h45 teste pozitif. Atakan Juventus la asenptomatik daprè sa Federasyon foutbòl Pòtigal fè konnen.

Federasyon foutbòl nan peyi Pòtigal konfime ke Jwè vedèt yo a genyen Covid-19 la. Men sa federasyon an deklare: "Cristiano Ronaldo, kapitèn ekip nou an teste pozitif nan kowonaviris men li asenptomatik tout rès jwè nou yo teste negatif, Se rezon sa ki fè seleksyon an pat antrene yè nan lè yo te dwe antrene a, li deja kite kote nou ye a pou li ale an karantèn."

N'ap raple w jwè Juventus la te kite peyi Itali semèn pase a san responsab sante peyi Itali pat otorize li pou li ale jwenn seleksyon Pòtigal la. Chanpyon Euro 2016 yo te deja gen de jwè ki te teste pozitif anvan yo te jwe kont peyi Frans dimanch ki sot pase a.

Kidonk, Cr7 rejwenn José Fronte k'ap jwe nan Lile epi Antony Lopes k'ap jwe nan Lyon, kòm jwè ekip Pòtigal la ki pap gen chans jwe fas ekip Lasyèd la jodi a.

KÒMANTÈ

Atik Popilè