Ekspatriye

Jèn mitan tèren ayisyèn RC Lens lan kontinye pwogresyon li avèk seleksyon nasyonal lan. Nan dènye tounwa entènasyonal Pink Ladies Week la, Grenadye an te reponn prezan nan twa match yo.

Titilè depi nan mondyal fanm 2023 a, Dayana Pierre-Louis prezante kòm yon jwez ki pa sispann pwogrese. Sou Malou Quignette, Grenadye an kontinye sou menm lanse an, avèk yon plas titilè nan twa dènye match Ayiti yo.

Yon bilan pozitif pou jèn jwez 21 lane an ki te enskri premye gòl li sou koulè seleksyon ayisyèn lan nan viktwa 4-2 fas Jòdani an epi reyisi kenbe plas li nan onz ki demare de match aprè yo fas Taypeychinwa epi Larisi.

Dayana Pierre-Louis ki pa t nan bon fòm li nan Seconde Ligue lan sou dènye match RC Lens yo, ofri sipòtè seleksyon ayisyèn yo twa match bon kalite kote l te pozisyone nan mitan tèren an bò kote Maudeline Moryl.

Annatandan pwochen evènman yo nan Seconde Ligue la avèk RC Lens, dènye pèfòmans nimewo 19 Ayiti an pa pase inapèsi, e menm atire atansyon klèb li ki salye retou li aprè rasanbleman sa ki sot fèt nan vil Antalya, peyi Latiki.

KÒMANTÈ

Dènye atik yo