Serie A

Juventus pèdi de (2) pwen fas ekip Parme nan lakay li madi 30 oktòb la, nan okazyon 10èm jounen chanpyona Itali a Yon match ki fini 2-2 , sa ki gen konsekans pou ekip Thiago Motta nan klasman an.

Twa (3) jou aprè l fin fè 4-4 nan dèbi peyi Itali a fas akip Inter Mila an , ekip Juventus la te pran premye gòl li aprè sèlman 3 minit nan jwèt la , Enrico Deo Prati te pwofite de yon erè makaj pou mete yon kout tèt epi voye boul la nan filè Michele Di Gregorio.

Juventus Turin te egalize nan 31èm minit ak Weston McKennie , ekip Juventus la te pran yon dezyèm gòl aprè yon erè nan defans lan se te nan 38èm minit, Tim Weah te egalize pou Juventus nan 49èm minit.

Depi lè brezilyen an Gleison Bremer blese, defans Juventus la se kòmsi lekòl lage ladann, ekip la pran 10 gòl nan 6 match.

Ekip Thiago Motta ap dirije a sòti nan 3èm plas pou desann nan 4èm plas klasman an ak 18 pwen, li genyen 7 pwen an mwens Napoli, li genyen 2 pwen an mwens Atalanta ki bat Monza 2-0 nan 10èm jounen an.

KÒMANTÈ

Dènye atik yo