Serie A

Depi kèk lane, Fiorentina kreye yon mond ki pwòp ak li nan seri A a. Pou anpil moun, se antrenè klèb la ki te kreye yon baz pou te mete ekip la nan nivo sa.

Nan peryòd sa, avèk Vincenzo Italiano, klèb la pa t sispann krache dife jis vyolèt yo te menm jwe 2 final "Ligue Europa Conférence". Men malerezman, klèb italyen an pèdi tou 2 final yo nan lane 2023 ak 2024 la. Youn kont West Ham e lòt lan kont Olympiakos.

Pou kòmansman sezon an, Italiano te kite klèb Fiorentina pou al bay sèvis li nan Bologne. Raffaele Palladino ki se yon Italyen te tou pran tèt Gigliati yo depi lè a.

Pandan yo sou lòd nouvo patwon sa, finalis Ligue Europa Conférence yo kontinye fè piblik lan apresye yo. Nan chanpyona Itali a, Fiorentina kite pase AS Roma yon rakle (5-1) nan 9èm jounen an, tape ekip Genoa devan pèp li a (0-1) jodi jedi a.

Viktwa nan 10èm jounen an fè yo pase a 6èm viktwa yo afile nan tout konpetisyon yo. E moun ki souke filè advèsè a gen pou non Gosens (72èm minit). Nan klasman, "Viola" yo 4èm ak 6 pwen anmwens Naples ki lidè Serie A a.

KÒMANTÈ

Dènye atik yo