Lòt Koze

Nan premye edisyon "Coupe Nostalgie" a oubyen "Coupe des Doyens", nou jwenn yon total 23 gòl deja nan faz gwoup la. Kate (4) ekip te patisipe nan konpetisyon sa: Violette AC, Racing Club Haïtien, Aigle Noir, ak Akademi Saint-Louis de Gonzague.

Elyvens Dejean, jwè vedèt Violette AC la, domine klasman bitè a avèk 4 reyalizasyon nan sèlman 2 match.

Nan faz gwoup sa a, chak ekip te jwe 3 match, ki pèmèt nou wè yon bèl rivalite ak yon gwo efò ofansif bò kote ekip yo.

Elyvens Dejean, ki jwe sèlman 2 match pou VAC, te make 4 gòl avèk de (2) double, kont RCH ak Saint-Louis de Gonzague. Molensky Cima ak Plaisimond Stay, de (2) lòt jwè ble e blan yo, deja fè 2 gòl yo chak, mete yo nan tèt klasman an tou. Louis Jean Clifford, Daison Norestant, Simon Jean Morisset, ak Fabrice Jean Vedrine ajoute yo chak youn pou Vye Tig yo, ki te montre yon fòs ofansif klèb la nan konpetisyon an ki make antou 12 gòl nan tounwa a.

Bò kote RCH, Nolito Alvin ak Ednel Lucien te make 2 gòl yo chak, pandan Derival Jean te ajoute youn. Sa montre ke Racing pa t rete dèyè nan aspè ofansif la.

Pou Aigle Noir, Murat Schneider te make 2 gòl, pandan Carlens Steevenson ak César Kemsly te fè youn yo chak. Ekip Bèlè la te montre agresivite nan atak, men li manke efikasite pou kontinye avanse nan konpetisyon an. Akademi Saint-Louis de Gonzague te konte sou Blaise ak Felisme Rony, kote yo chak te make yon gòl pou ekip jèn sa a.

Lis Bitè yo :

1. Elyvens Dejean (Violette AC) – 4 gòl

2. Molensky Cima (Violette AC) – 2 gòl

3. Plaisimond Stay (Violette AC) – 2 gòl

4. Nolito Alvin (Racing Club Haïtien) – 2 gòl

5. Ednel Lucien (Racing Club Haïtien) – 2 gòl

6. Murat Schneider (Aigle Noir) – 2 gòl

7. Louis Jean Clifford (Violette AC) – 1 gòl

8. Daison Norestant (Violette AC) – 1 gò

9. Simon Jean Morisset (Violette AC) – 1 gòl

10. Fabrice Jean Vedrine (Violette AC) – 1 gòl

11. Derival Jean (Racing Club Haïtien) – 1 gòl

12. Carlens Steevenson (Aigle Noir) – 1 gòl

13. César Kemsly (Aigle Noir) – 1 gòl

14. Felisme Rony (Saint-Louis de Gonzague) – 1 gòl

15. Blaise (Saint-Louis de Gonzague) – 1 gòl

Premye edisyon "Coupe Nostalgie" te bay fanatik yo anpil plezi pandan faz gwoup la. Elyvens Dejean rete pi bon bitè a ak 4 reyalizasyon. Men, gwo final ant Violette AC ak Racing Club Haïtien ap deside tout bagay. Fanatik foutbòl yo ap tann yon lòt gwo espektak.

KÒMANTÈ

Denye atik yo