Lòt Koze

Atakan brezilyen Al Hilal la, Neymar Jr, opere avèk siksè ayè jedi 2 novanm lan sou blesi ligaman kwaze li an ak tout yon menisk nan jenou goch li nan yon lopital Belo Horizonte, daprè sa Rodrigo Lasmar, chirijyen ki fè operasyon an fè laprès konnen.

«Operasyon an se te yon siksè. Nou trè satisfè pou rezilta a», deklarasyon medsen chirijyen an ki rapouswiv pou di : « Li sibi yon rekonstriksyon ligaman kwaze anndan ansanm ak 2 lezyon menisk li yo ki repare.»

Atakan brezilyen 31 lane an ki te deja opere nan mitan sezon ki sot pase an, pati pou al pase plizyè mwa deyò tèren yon lòt fwa ankò, san medsen ki opere l fwa sa yo pa presize konbyen tan endisponiblite li an ap ye.

Neymar Jr ta pral blese nan dat 17 oktòb pase an nan match eliminitwa mondyal 2026 seleksyon brezilyèn lan t ap jwe fas Irigwe nan Montevideo. Meyè bitè istwa Seleçao a (79 gòl) pral rate plizyè mwa konpetisyon.

KÒMANTÈ

Dènye atik yo