la Liga

Réal Madrid konnen yon move moman fas ekip Osasuna nan 13èm jounen chanpyona espay la, samdi 9 novanm nan. Move moman sa se pa 3 pwen ki pèdi, men 3 jwè ki blese : Rodrygo, Eder Militao ak Lucas vaquez. Yon seri blese ki riske gen gwo konsekans sou Real Madrid, sitou nan defans lan, lè n konenn Rudiger se sèlman defansè ki disponib pou blanch yo.

Eder Militão te soti sou sivyè nan 26èm minit, li te frape nan jenou dwat li. Apre tout egzamen sèvis medikal ekip Real Madrid fè pou defansè a, nouvèl yo pa asire ditou. Brezilyen an ap soufri de yon ripti liganman kwaze nan jenou dwat li, sa ki lakoz li ap pase 9 mwa deyò tèren, kidonk li pèdi rès sezon an menm jan ak Carvajal. Brezilyen an te sibi yon blese konsa sezon pase nan premye jounen chanpyona a fas Athletic Bilbao. Li ap opere nan jou ki ap vini yo.

Atakan brezilyen an, Rodrygo Goes, ki te blese nan kwis gòch li nan dat 22 oktòb fas ekip Dortmund lan, kite tèren an ak dlo nan je nan 20èm minit. Selon dènye nouvèl yo, se kapab swit blese fas Dortmund lan, li kapab pase yon mwa deyò teren. Vazquez te kite plas li nan 46èm minit.

Yon nouvèl ki pral mete Real Madrid nan obligasyon pou kapab fè vini yon defansè nan ivè a, lè n konen David Alaba pako geri, jèn Joan Martinez ki pwomèt anpil blese, Dani Carvajal pa p tounen nan sezon an, Jesus Vallero ki jwe sèlman 11 minit pou sezon an pa rantre nan plan Ancelotti. Rantre Raul Asencio ki bay yon pas desizif nan premye match li ak ekip la nan plas Militão pwouve Vallero pa nan plan antrenè a. Aurélien Tchouameni kapab tounen avan lontan pou fin pote ranfò.

KÒMANTÈ

Dènye atik yo