la Liga

Atakan fransè an ki poko ka jwenn mak li avèk Real Madrid afiche yon bilan katastwofik sou dènye mwa sa yo avèk sèlman 4 gòl pou 16 match li jwe tout konpetisyon melanje.

Sòti nan Ligue 1 an, pase nan dènye Lig Dè Chanpyon an, vin jwenn kòmansman sezon an avèk Real Madrid, Kylian Mbappé pa genyen menm nivo efikasite li te konn afiche anvan an ki te pèmèt li vini meyè bitè istwa Paris Saint-Germain an.

Depi gòl sou premye match li an avèk Madrilèn yo nan Sipèkoup Ewòp la fas Atalanta, kapitèn seleksyon Lafrans lan pa fè menm yon grenn gòl sou twa match li jwe nan Liga a.

Yon peryòd difisil ki la depi fen sezon pase an nan Ligue 1 pandan li t ap evolye sou koulè Paris Saint-Germain an e ki ta pral rapouswiv nan Euro 2024 la kote l ta pral enskri yon grenn gòl sou penalite nan 4 match li te jwe yo.

KÒMANTÈ

Dènye atik yo