la Liga

Nan yon epòk foutbòl la te mete anpil moun nan yon sitiyasyon kote yo pa t konn vle rate yon match, sitou nan peyi Itali.

Jounen jodia, sa vin parèt diferan pou anpil moun akoz se lajan ki ap mennen spò a. Malgre sa, genyen ki wè l lòt fason paske yo konstate tout jwè pa menm.

Anndan foutbòl la, malgre tout batay ki ap fèt yo, koze egoyis, rasis ak enjistis, pou n site sa yo sèlman, pa sispann fè raj. Poutan, sa pa anpeche kèk nan jwè ki ap sibi tout sa yo kontinye briye nan mond foutbòl la ak montre lanmou yo genyen pou koyekipye yo nan klèb ak nan seleksyon.

Jodia, Vinicius Junior ki briye ak Real Madrid nan Liga a fè anpil moun viv yon moman jwa ak 3 gòl e konsa yon moman tristès apre blesi Eder Militão a.

Nan yon imaj, kameramann yo rive pibliye, nou wè entènasyonal brezilyen an ki gen dlo nan je akoz defansè Real Madrid la ki kite match la sou sivyè. Sou yon sant Vini te fè, Eder t ap fè deplasman pou al tante jwe balon an, malerezman pou li, se nan men m moman li te oblije lage kòl atè ak yon kri akoz doulè a.

Oblije kite rankont lan, ansyen jwè Porto a aprann sezon an fini pou li poutèt yon ripti ligaman kwaze. Pou ankouraje l, Sergio Ramos fè yon twit pou l di Militão "fòs, ou konn wout tounen an, ou te fè l yon fwa, ou pral refèl".

KÒMANTÈ

Dènye atik yo