AKÈY UEFA Lòt Koze

Lòt Koze

Yon jounalis denonse koken ki te genyen nan vòt pou Balondò a

sous: GolAyiti/imaj

10 Novanm 2024 Jacky Chéry 78

Jounalis panameyen Campo Elías Estrada ki te pami manm jiri pou Balondò 2024 la, denonse yon koken ki te genyen nan pwosesis vòt yo. Daprè sa l fè konprann, genyen nan chwa li te fè yo ki pa t pase.

Alòske li pami 5 jounalis ki pa t klase Rodri nan 10 premye Balondò a, jounalis panameyen an fè konprann li te vote pou Rodri, men sou platfòm France Football te voye ba li pou vote an sanble se non Dani Olmo ki monte epi chwa li yo pa t ale nan lòd li te mete yo a.

« Mwen te gen pwoblèm pou vote sou platfòm vòt la. Lè m te seleksyone 10 kandida mwen yo, nan moman mizajou an, vòt mwen yo te chanje, san respekte lòd mwen te chwazi yo. » Se sa mouche Campo Elías Estrada deklare pou kritike pwoblèm sa ki te genyen nan pwosesis lan.

Pi lwen li ajoute «malgre France Football te mande m konfime chwa vòt mwen yo se jis aprè mwen vin reyalize chwa ak nan lòd mwen te vote yo pa t respekte.»

N ap raple, mitan tèren Manchester City an, Rodrigo Hernandez, te ranpòte Balondò 2024 la devan atakan Real Madrid la, Vinicius Jr, ki te parèt kòm gwo favori pou pri sa ane an.