Ekspatriye

Defansè entènasyonal ayisyen an kontribye nan bèl viktwa Angers SCO fè jodi dimanch lan fas Stade Brestois (2-0) pou premye jounen Ligue 1 an pou 2025 lan avèk yon pas desizif sou ouvèti eskò an.

Grenadye an ki genyen yon plas titilè nan defans Scoïstes yo depi kòmansman sezon an, te genyen posibilite sèvi koyekipye l Esteban Lepaul nan pwent penalite a pou bay Angers avantaj la depi byen bonè nan premye mitan an (6’).

Yon match akonpli pou defansè ayisyen 28 lane an ki delivre premye pas desizif li depi lè li rive nan Ligue 1 an. Ansyen jwè Vitesse Arnhem lan jwe nan tout 16 jounen chanpyona Frans lan ki jwe deja yo, ladan yo 15 kòm titilè.

Angers SCO ki te nan yon pozisyon relegab anvan 16èm jounen Ligue 1 an, pase pou kounya nan 14èm plas la avèk 16 pwen, menm kantite avèk Saint-Étienne, epi youn anplis Nantes ki nan pozisyon baraj pou relegasyon an.

KÒMANTÈ

Dènye atik yo