Lòt

Kategori fanm ekip FC Barcelone lan antren nan lane 2025 lan tou cho.

Pou demare nouvo lane sa, Barcelona F la te deplase sou tèren ekip Real Sociedad la nan kad match avanse ki konte pou 16èm jounen Liga F la.

Match sila vire tankou yon festival bò kote medam Barcelone yo ki sèl kòk chante nan chanpyona fanm lan nan peyi Espay. Yo genyen 11pwen anplis rival yo, Real Madrid nan chanpyona a.

Medam Catalan yo malmennen ekip Real Sociedad la 6-0. Sa ki vini kòm 15èm viktwa yo youn kole ak lòt nan tout konpetisyon yo jwe.

Pou sezon sa se sèl ekip Manchester City a ki rive met do Barcelone atè. Se te match Ligue des Champions medam yo, yo te pèdi l 2-0.

Depi aprè lè sa pi piti gòl Barcelone make nan match yo se 3 gòl. Sof match kont Valence lan, li te bat 1-0 sèlman.

Barcelone genyen 42 pwen nan tèt klasman Liga F la, dèyè l se Real Madrid ki genyen 31 pwen plis 2 match an reta.

KÒMANTÈ

Dènye atik yo