Ekspatriye

Atakan entènasyonal ayisyèn lan ki te blese depi anviwon 4 mwa, rekòmanse jwe foutbòl kote l te patisipe nan match amikal sa Olympique Marseille jwe jodi samdi an fas klèb italyen Como.

Chelsea Domond ki pa jwe pou klèb li depi kòmansman sezon an, te fè premye aparisyon sou yon tèren foutbòl pou lane 2025 lan lè l te ranplase konpatriyòt li Tabita Joseph nan 75èm minit match la.

Ansyen jwez Panathinaikos lan te genyen privilèj rejwenn sansasyon tèren foutbòl avèk posibilite sa antrenè OM lan, Frédéric Gonçalves, te ba li lè l te fè l rantre nan match fas klèb italyen an ki genyen Phocéenne yo 3-1.

Jwez ayisyèn 25 lane an ki te rejwenn Olympique Marseille pandan ete ki sot pase an, potko kapab jwe avèk klèb lan k ap evolye nan Seconde Ligue lan akoz yon blese li te konnen depi nan presezon an.

Annatandan retou Seconde Ligue la, Chelsea Domond ki te fè premye zam li ak seleksyon ayisyèn lan nan mwa fevriye ane pase se te pami ranfò Phocéenne yo te pran pou vin ede yo batay pou monte nan Arkema Première Ligue la.

KÒMANTÈ

Dènye atik yo