Ekspatriye

Atakan entènasyonal ayisyèn lan ki sot pase pratikman tout yon sezon san jwe akoz li te blese, retounen jwe foutbòl kote l ap evolye nan FC Nantes nan premye divizyon Lafrans.

Aprè 12 jounen konpetisyon, Roseline Eloissaint ki jwe jodi mèkredi an fas En-Avant Guingamp kote l konnen 7èm match li depi lè li sòti anba blesi. Grenadye an ki te demare sou ban, ta pral rantre nan 61èm minit.

Nan 30 minit li pase sou tèren an, Grenadye an ki t ap bouje sou tout liy atak Kanari yo, patisipe nan bèl viktwa sa FC Nantes fè kont En-Avant Guingamp an (2-1), malgre li pa fè gòl ni bay pas desizif.

Jwez ayisyèn 25 lane an ki rejwenn Kanari yo sezon sa nan Arkema Première Ligue la, gentan sou 3 match kòm titilè epi enskri yon gòl ki te pèmèt FC Nantes fè viktwa fas FC Strasbourg, klèb kote l t ap evolye sezon pase an.

KÒMANTÈ

Dènye atik yo