Lòt Koze

Jèn atakan sila fèt nan dat 27 dawout 2000 li genyen 24 lane. Pòs li jwe se atakan, li konn jwe elye tou.

Wilson Isidor fèt nan peyi Lafrans nan vil "Rèn". Se de (2) paran ayisyen ki leve l, sa ki ba li nasyonalite ayisyèn tou.

Jèn foutbolè a ap jwe nan menm ekip ak ti frè sipèsta Real Madrid la Jude Bellingham ki se Jobe Bellingham. Yo tou 2 ap jwe nan klèb Sunderland lan ki twouve l nan dezyèm divizyon peyi Angletè (Championship).

Anvan li ateri nan ekip Sunderland lan, Wilson Isidor ki fòme nan ekip Stade Rennais a yon klèb ki sòti nan menm vil li fèt la nan peyi Lafrans, ta pral pase nan AS Monaco kote li jwe nan kategori (U19) klèb sa. Anvan yo te prete l nan lane 2019 bay klèb Stade Lavalois a toujou nan peyi Lafrans. Sòti nan Lavalois, yo pral prete l ankò bay klèb Borgo a nan lane 2020. Yon klèb ki twouve l nan National nan peyi Lafrans. Lè li rive nan ekip sa se tankou chanpyona sa te twò fèb pou li. Li te make nan tout 11 match li te jwe ak klèb Borgo a. Li te make 12 gòl pou yo nan 11 match. AS Monaco pral reprann jwè l nan lane 2021. Nan mwa dawout 2021 li pral jwe premye match ofisyèl li ak ekip AS Monaco a nan yon match kalifikasyon Champions League kont ekip Shakhtar. Match sila te fini 2-2.

Nan menm mwa dawout la li pral jwe premye match li nan Ligue 1 an ak ekip AS Monaco a kont Troyes. Aprè li ta pral jwe pou Monaco ankò nan Europa League. N ap raple pandan pasaj li nan Ligue an 1 li pa t make yon grenn gòl pou ekip AS Monaco a. AS Monaco pral vann Lokomotive Moscou l pou 3.5 milyon ewo. Ak klèb sila li pral make 7 gòl ak yon pas gòl pou premye ane l nan chanpyona a. Lè li kite Locomotiv yo prete nan klèb Zenith Saint Petersbourg la pou 1,4 Milyon ewo nan lane 2023. Aprè prè sa Zenith pral deside achte l pou 4 Milyon ewo. Pou ane 2024 la, dirijan Zénith yo deside prete Sunderland li. Depi lè li rive nan Sunderland li make 8 gòl. Dènye fwa li make se nan match kont Porstmooth lan kote li make grenn gòl viktwa a.

Wilson Isidor deja jwe pou divès kategori ekip Lafrans lan (U17, U19) malgre sa li toujou kapab jwe pou seleksyon nasyonal la.

Se te kapab yon veritab ranfò anplis bò kote Frantzdy Pierrot, Nazon, ak lòt jèn atakan tankou Prunier.

KÒMANTÈ

Denye atik yo