Ekspatriye

Seksyon fanm Olympique Marseille lan genyen an deplasman jodi dimanch lan Le Mans (4-3) nan okazyon premye jounen Seconde Ligue la.

Avèk Maudeline Moryl kòm titilè, Phocéenne yo ranpòte premye viktwa yo nan Seconde Ligue la aprè yon dezyèm mitan fou kote tout gòl yo fèt ladan l.

Gras ak Tess Laplacette, Marie-Charlotte Léger ki fè yon double, Mama Diop, Maseyèz yo genyen Le Mans lakay li 4-3, malgre jefò ekip anfans la ki pa t janm lage bay.

Yon viktwa enpòtan pou Frédéric Gonçalves ak medam li yo ki genyen pou prensipal misyon remonte Marseille nan premye divizyon Lafrans lan.

N ap note, atakan entènasyonal ayisyèn Darlina Joseph ki te demare sou ban pou match sa ta pral rantre nan 10 dènye minit yo. Chelsea Domond ak Tabita Joseph pa t jwenn konvokasyon yo menm.

KÒMANTÈ

Dènye atik yo