Seleksyon Nasyonal

Mitan tèren seleksyon ayisyèn fanm lan ki te sòti blese nan dènye match baraj grenadye yo fas Chili an (2-1) pral kapab rate ant 6 a 8 semèn konpetisyon daprè sa dènye analiz yo revele.

Sherly Jeudy ki se youn nan poto mitan seleksyon nasyonal ayisyèn fanm lan pral gen pou rete deyò tèren pandan anviwon de mwa aprè dènye IRM li pase ayè mèkredi an ki revele yon chòk nan ligaman anndan jenou dwat li.

Mitan tèren Grenoble Foot 38 la ta pral kite final fas Chili an nan baraj entèkontinantal yo, sou sivyè, nan dezyèm mitan an, aprè l te fin tòde jenou dwat li. Grenadye an ta dwe operasyonèl apati mwa me pou fini sezon an epi prepare mondyal la ak Ayiti.

Sherly Jeudy k ap evolye nan mitan tèren seleksyon an depi lè Nicolas Delépine nan tèt ekip lan, pa sispann briye avèk grenadye yo kote nan premye match baraj yo li te bay de pas desizif nan viktwa (4-0) fas Senegal la.

KÒMANTÈ

Denye atik yo