Copa Del Rey

Tiraj osò pou 16èm definal Copa Del Rey la te dewoule jodi lendi a nan sal " Luis Aragonés de la Ciudal del Fútbol de Las Rozas" la, nan peyi Espay. Ebyen, li tou ba nou advèsè ekip tankou Real Madrid, Fc Barcelone, Atlético Madrid ak venkè dènye edisyon an, Athletic Bilbao.

Fc Barcelone ap gen pou deplase al sou tèren UD Barbastro kise yon klèb k ap evolye nan 4èm divizyon peyi Espay.

Real Madrid pral jwe sou tèren Deportiva Minera, ki limenm se klèb 4èm divizyon espanyòl. Aprè klèb sa te fin wè li pral jwe anfas klèb madrilèn nan, fanatik, dirijan ak jwè klèb sa yo te kontan anpil, e menm prezidan an fè konnen yo pa ka tann pou yo jwe ak klèb Madrid la.

Atletico Madrid ki rete sou yon bèl viktwa ayè dimanch lan anfas Fc Séville (4-3) pral gen pou deplase nan 16èm definal sa sou tèren Marbella k ap evolye nan twazyèm divizyon Espanyòl.

Athletic Bilbao ki limenm te genyen dènye edisyon an anfas Mallorca pral afwonte UD Logroñés pou 16èm de final Copa Del Rey la.

Match 16èm definal Copa Del Rey la ap fèt samdi 4 ak dimanch 5 janvye 2025.

An n suiv tout 16èm definal Copa Del Rey la an detay :

UD Barbastro - FC Barcelone

Pontevedra - RC Majorque

Deportiva Minera - Real Madrid

UD Logroñés - Athletic Club

Marbella - Atlético de Madrid

Ourense CF - Real Valladolid

Ponferradina - Real Sociedad

Granada - Getafe

SD Huesca - Real Betis

Racing Santander - Celta Vigo

Racing Ferrol - Rayo Vallecano

UD Almería - Séville FC

Eldense - Valence

Elche CF - Las Palmas

Cartagena - Leganés

Tenerife - Osasuna

KÒMANTÈ

Dènye atik yo