Apre yon sezon reyisi nan Olympique Lyonnais an 2018, karyè Mariano Diaz (31 lane egzistans) pa t sanble ak gwo bagay.

Atakan ispano-dominiken an ki te retounen nan Real Madrid, te jwe 70 rankont pandan senkan, avan l te angaje l ak FC Séville nan lane 2023. Men istwa sa te fini depi nan mwa jiyè pase, Diaz te kite klèb lan aprè l te jwe 13 match sèlman.

6 mwa apre l te kite Andalouzi, ansyen Gone la pa janm jwenn yon kote pou l ta depoze valiz li ak tout kranpon l. Ebyen, sitiyasyon an kapab chanje pou jwè a nan jou k ap vini la yo.

Daprè sa "l'émission Match" la fè konnen, klèb ejipsyen Al-Ahly voye yon pwopozisyon kontra ak bitè a ki ta dwe konsidere sa. Prezan nan twazyèm plas chanpyona lokal la, klèb kapital la te ranpòte dènye Ligue des Champions afriken an, sa ki ba l posiblite pou patisipe nan koup dimond klèb la pandan ete a.

KÒMANTÈ

Dènye atik yo