Lòt

Pandan semèn sa, Real Madrid konsène avèk Koup Entèkontinantal la kote y ap gen pou fè final kont Pachuca, ki limenm te pase sou ekip Al Ahly a samdi pase nan chout penalite. Carlo Ancelotti mete yon lis jwè deyò pou rankont sa kote anrejistre retou Kylian Mbappé nan lis sa !

Aprè yo te konnen yon match nil nan Liga a samdi pase kont Rayo Vallecano (3-3) an deplasman, klèb madrilèn nan pral chèche pou l ta tounen avèk viktwa ankò. Fwa sa se pa nan Liga, ni Koup Espay ak Ligue des Champions, men se nan Koup Entèkontinantal ki se yon konpetisyon ki konsène klèb ki chanpyon dènye edisyon Ligue des Champions an ak gayan yon pleyòf entèkontinantal !

Detay sou konpetisyon sa :

Nouvo "FIFA Intercontinental Cup" la se yon konpetisyon klèb yo te anonse nan mwa desanm 2023, ki pral jwe chak ane ant ekip gayan Lig chanpyon UEFA a ak ekip gayan yon seri pleyòf entèkontinantal ki gen ladan l chanpyon konfederasyon tout premye konpetisyon klèb premye plan yo.

Pou mwa desanm sa, Real Madrid ki limenm se chanpyon dènye edisyon Ligue des Champions an pral jwe kont Pachuca nan final Koup entèkontinantal la 18 desanm a midi nan lè Pòtoprens.

Men lis jwè Real Madrid an detay :

Gadyen : Courtois, Lunin, Fran González

Defansè : Lucas Vázquez, Vallejo, Fran García, Rüdiger, Youssef, Asencio, Lorenzo

Mitan tèren : Bellingham, Camavinga, Valverde, Modric, Tchouaméni, Arda Güler, Ceballos

Atakan : Vinicius, Mbappé, Rodrygo, Endrick, Brahim, Gonzalo, Víctor Muñoz

Blesi : Carvajal, Militao, Alaba, Mendy

KÒMANTÈ

Dènye atik yo