Serie A

Sou teren ekip Hellas Vérone nan, Juventus fè 2-2 nan match ki konte pou 25èm jounen chanpyona Itali a, sa ki fè Inter vole wo nan tèt klasman an ak 9 pwen pwen anplis.

Kous pou chanpyon Itali a sanble deja fin jwe, Inter te bat Salernitana 4-0 vandredi 16 fevriye a, e t ap tann rezilta Juventus fa ekip Héllas Vérone nan ki 18èm nan klasman.

Nan 11èm minit Michael Folorunsho te mete balon nan filè pou Héllas Vérone, Juventus te aji sou yon penal ak Dusan Vlahovic nan 28èm minit pou mete match la 1-1. Aprè poz la ekip Massimiliano Allegri ap dirije a te domine match la, Tijjani Noslin te pran ekip Juventus la sou yon atak rapid nan 52èm minit pou bay avantaj ak ekip Héllas Vérone nan, Adrien Rabiot te mete yon chout kwaze nan 55èm minit pou te egalize e pèmèt Juventus sove yon pwen nan match la.

Match nil sa kapab fè ekip Juventus la pèdi dezyèm plas klasman an si tout fwa Milan ta fè viktwa fas a ekip Monza a demen, milan ap pase a 55 pwen Juventus a 52 pwen.

KÒMANTÈ

Dènye atik yo