Serie A

Pou sezon sa nan Série A peyi Itali, Spezia ak Hellas Verone fini ak menm valè pwen nan chanpyona a ak 31 pou yo chak. Pou depataje yo, 2 ekip yo ap gen pou jwe yon match baraj jodi dimanch lan nan Mapei Stadium lan ki se stad Sassuolo an. Y ap jwe yon sèl match sa ki fè viktwa a ap rete nan Série A.

N ap fè w konnen nan lane 2005 sa te rive kote Parme ak Bologne te fini ak menm pwen. Pou yo te depataje yo, ekip yo te jwe 2 match, ale ak retou. Nan match ale a, Parme te pèdi fas Bologne (1-0) sa ki pa t rete la lè Parme t ap pral bat Bologne an deplasman (2-0) pou l te ka toujou rete nan Série A.

N ap fè fanatik yo konnen nan peyi Itali pa gen diferans gòl. Si 2 ekip fini ak menm kantite pwen, y ap oblije fè yo jwe pou depataje yo. Fwa sa pa p gen match retou se yon sèl match k ap genyen kote Spezia ap jwe kont Verone.

KÒMANTÈ

Dènye atik yo