Eredivisie

Nan peyi Lawoland, Ajax Amsterdam ki rete kòm youn nan pi gwo klèb peyi a pa sispann konnen anpil move moman depi aprè Ten Hag te fin kite klèb la.

Aprè yon sezon kote yo pa t rive jwenn biyè kalifikasyon pou Lig dè Chanpyon sezon sa, ansyen klèb Johan Cruyff la kontinye ap konnen move moman nan Eredivisie a.

Aprè 23 jounen pou sezon 2023-2024 la, ajasid yo okipe 5èm plas chanpyona asa ki mete yo nan plas baraj pou Ewopa Lig si sa ta rete konsa.

Deja kalifye pou 8èm final Konferans Lig la, Ajax ap genyen pou resevwa Aston Villa 7 mas k ap vini la pou tante pran avantaj la depi nan match ale a sa ki kapab pa fasil pou klèb Wolandè a pou fason klèb Anglè a chwazi defann sezon an malgre yo vin pèdi nan entansite yo te genyen an.

Anvan rankont ewopeyen an, wouj e blan yo ki te fè yon fo pa wikenn ki sot pase la (2-0) fas AZ Alkmaar ap genyen pou jwe kont Utrecht dimanch pou eseye reprann konfyans anvan 7 mas la.

KÒMANTÈ

Dènye atik yo