Eredivisie

Dimanch 25 fevriye 2024, Carlens Arcus ak Vitesse FC te pran randevou ak Excelsior nan kad 23èm jounen Eredivisie a ki se chanpyona Wolandè a kote pou sezon sa PSV Eindhoven deside fè yon lòt bagay nan chanpyona sa pandan li kontinye ap domine.

Aprè 22 jounen kote Vitesse pa janm kapab reprann men l nan chanpyona a lè nou konnen jòn e nwa yo gentan fè 15 defèt, jodia gras ak Aaronson 53èm e Isimat-Mirin 86èm minit, Carlens Arcus ki te titilè nan plas abityè l li ak klèb li a rive fè viktwa pou 23èm jounen (2-1). Malgre klèb Excelsior a ki te devan piblik li te louvri eskò, koyekipye grenadye a ki okipe yon move plas nan klasman chanpyona a pa t gen lòt chwa pou rache 3 pwen an pou yo kapab pwogrese nan klasman an.

Nan randevou sa, viktwa a ale an favè grenadye ak tout koyekipye li yo ki vin pase ak 4 viktwa sèlman nan 23 jounen. E gras ak siksè sa, yo vin okipe 17èm plas lan ki se anvan dènye a ak 16 pwen.

Pou pa desann nan dezyèm divizyon chanpyona a, klèb lateral dwat ayisyen an gen obligasyon pou fè plis viktwa nan dezyèm pati chanpyona a pou yo kapab kite plas yo okipe pou moman an.

PSV Eindhoven kontinye ap reve ekri listwa yo pandan yo tèt chanpyona Lawoland lan

Nan MAC PARK stadion an, PSV Eindhoven te fè deplasman pou ale chache yon 3 pwen lakay Zwolle nan kad 23èm jounen chanpyona Lawoland lan pou kontinye ak menm eksplwa nan Eredivisie a.

Ak yon Luuk de Jong nan pwent atak la, klèb Eindhoven lan ki te konnen yon match nil fas Dortmund nan Lig dè chanpyon an pandan semèn lan, kraze klèb Zwolle a devan piblik li (1-7) pou pike pi douvan nan tèt klasman chanpyona Wolandè a.

Pou masak sa, ekip la te fè konfyans ak Bakayoko 29èm, 61èm, de Jong 32èm, 51èm, 71èm, Kersten 73èm otogòl ak Pepi 86èm mete tèt yo ansanm pou sakrifye Zwolle ki twouvel nan 10èm plas klasman an.

Aprè 23 jounen, Luuk de Jong ak koyekipye li yo rete sou 21 viktwa 2 match nil sa ki ba yo yon total 65 pwen pou pèmèt yo sere boulon yo nan klasman Eredivisie a.

KÒMANTÈ

Dènye atik yo