Eredivisie

Ayè dimanch 17 mas la, PSV Eindhoven ki lidè chanpyona Lawoland lan te resevwa 3èm nan chanpyona ki se Twente nan kad 26èm jounen Eredivisie an. E nan fas a fas sa, ekip Peter Bosz la rive sove nan pyèj vizitè yo ki pa t fasil menm.

Apèn elimine nan C1 an fas BVB yo, PSV Eindhoven vin genyen plis libète pou kontinye domine yon chanpyona ki chita nan pla men yo aprè 26 jounen. Nan 26 rankont, kapitèn De Jong ak koyekipye li yo fè 3 nil sèlman pou 23 viktwa pou kapab kontinye domine Eredivisie sezon 2023/2024 la.

Fas Twente jodia, wouj e blan yo rive fè viktwa nan fen match la gras ak Pepi (90èm +6) ki make sèl gòl rankont lan. Ak yon 23èm siksè sou 26 posib, Eindhoven kontinye voye flè nan tèt klasman ak 72 pwen e 81 gòl make.

Aprè Xabi Alonso ki ap fè yon mirak nan peyi Almay, Peter Bosz ap ekri yon paj listwa ak PSV nan peyi Lawoland.

KÒMANTÈ

Dènye atik yo