Eredivisie

Dimanch 5 me 2024, se dat ki make 25èm tit chanpyon Lawoland nan listwa PSV Eindhoven aprè te fin domine Sparta Rotterdam (4-2).

Nan peyi Lawoland, chanpyona Eredivisie a konte 34 jounen boul. Pou sezon sa li fini ak anpil sezisman akoz Ajax Amsterdam ki se klèb ki genyen plis tit nan chanpyona a konnen yon move sezon. Bò kote pwoteje Peter Bosz yo, se fèt paske yo rive chanpyon nan yon sezon pandan ekip la fè yon sèl defèt jiska prezan.

Pou ede klèb la fè eksplwa 25èm twofe sa, ansyen jwè Barcelone lan, Luuk de Jong se youn nan moun ki te pran responsablite l kòm kapitèn lè l make 27 gòl epi livre 15 pas desizif. Ekip Eindhoven nan rive genyen yon lòt paj nan listwa l. Wouj e blan yo ki fè yon sèl defèt pou 33 match, make 108 gòl e yo egale rekò Guus Hiddink te fè nan 1987-88. Rekò sa se te 17 viktwa youn kole ak lòt.

Vini nan kòmansman sezon an, Peter Bosz ki genyen 60 lane sou tèt li, pran premye tit nasyonal li nan karyè antrenè l.

KÒMANTÈ

Dènye atik yo