Eredivisie

31èm jounen chanpyona Lawoland nan estad Gelredom lan, Vitesse FC te resevwa Fortuna Sittard pou chache yon viktwa nan lide pou ranfòse kantite pwen yo genyen nan klasman an, koyekipye Arcus yo sòti ak viktwa.

18èm aprè 31 jounen, Vitesse te nan obligasyon pou fè advèsè li a tonbe jodia pou l te kapab rache 3 pwen an. San enspirasyon pou sezon sa, klèb Carlens lan konnen pi move moman l nan D1 Lawoland lan. Pou eseye pwogrese nan chanpyona a, jòn e nwa yo fè viktwa (3-2) devan piblik yo. E pou fè fanatik yo gen yon ti jwa, Aaronson 22èm, 76èm ak M. van Ginkel 68èm pèmèt ekip la fè yon 5èm viktwa sou 31 rankont. Nan lòt kan an se Iñigo Córdoba 44èm epi J. Lonwijk 50èm gras ak yon penal ki bitè pou vizitè yo.

Sou 91 pwen posib, Vitesse pran sèlman 20 sa ki fè l okipe dènye plas nan klasman Eredivisie a. Pou chanpyona fini, rete 3 jounen e 3 klèb Arcus Carlens ap gen pou l jwe kont yo ak ekip li a se Utrecht, Heerenveen e Ajax Amsterdam. N ap ajoute Arcus Carlens te kòmanse sou ban jodia, Aprè yon katon wouj Van Zwam 81èm minit te pran, antrenè a fè yon chanjman nan 86èm pou Arcus Carlens te kapab al ede ekip li defann eskò a.

KÒMANTÈ

Dènye atik yo