1) Enfòmasyon sou nou

Sit Web sa se GolAyiti ki jere l. Nou se yon konpayi medya an liy anrejistre an Ayiti.

2) Tèm sit la

Enfòmasyon sa ou ap li la a detaye tèm ak kondisyon pou itilize sit la (Aplikasyon an). Lè w chwazi utilize sit nou an oswa aplikasyon nou an, ou chwazi aksepte kondisyon yo epi ou obeyi yo. Si w pa dakò ak yo, pa itilize ni sit nou an ni aplikasyon nou an.

3) Dwa pwopriyete entèlektyèl

3.a) Nou se mèt tout oswa nou gen otorizasyon pou n pibliye tout sa ki sou sit/aplikasyon nou an. Dwadotè pwoteje nou kont tout fòm kopi oswa repwodiksyon piblikasyon nou yo. Lè w vizite sit nou an oswa itilize aplikasyon nou an, ou ka sèvi ak materyèl nou to an prive sèlman. Ou pa dwe itilize materyèl nou pou biznis ou (medyatik oswa lòt) san ou pa mande epi jwenn otorizasyon nan men nou.

3.b) Idantifye nou kòm otè orijinal swa kite non nou parèt nan imaj yo, itilize lyen ki mennen sou paj web orijinal la oswa tag nou sou rezo sosyal yo kòm otè.

4) Itilizasyon ki Akseptab

4.a) Ou ka itilize sit nou an oswa aplikasyon nou an sèlman pou bagay ki legal selon lalwa nan peyi ou ap itilize l la.

4.b) Ou pa dwe voye ankenn reklam oswa pwomosyon ban nou pa mwayen fòm kontak nou yo sou sit la oswa aplikasyon an.

4.c) Ou pa dwe voye done malfezan, viris, modifye kòd JavaScript oswa HTML/CSS nou pou desevwa moun sou non nou.

4.d) Ou pa dwe fè ankenn tantativ pou "hack" sit Nou an, antre move done nan baz done nou, penetre sistèm nou oswa nenpòt lòt fòm "hacking" yo.

5) Mesaj/Imèl ak kontni nou yo

5.a) Nenpòt lè ou itlize yon pati sou sit nou an ki mande w pou enfèmasyon (non w, imèl ou), ou aksepte pou nou swa itlize non w oswa voye imèl b ou.

5.b) Nou modere kòmantè yo. Nou pa tolere kòmantè ki chokan, ki fè diskriminasyon rasyal, sosyal, orayantasyon seksyèl, seksis, ki klèwonnen vyolans oswa itlizasyon dwòg.

5.c) Se nou ki ap chwazi selon noumenm si ou pa respekte kondisyon nou yo. Sa ki ka lakoz nou efase kòmantè, bloke aksè oswa kòmanse yon pwosesis legal kont moun ki vyole règ yo.

5.d) Nou pa responsab ankenn domaj yon kòmantè oswa mesaj yon itilizatè fè oswa voye bay yon lòt. Men nou ap pran mezi pou sa pa repete.

6) Timoun ak minè

6.a) Nòmalman kontni nou yo pa kontni ki chokan. Men, nou envite paran yo verifye yomenm si kontni nou yo apwopriye pou pitit yo.

6.b) pou patisipe nan fowòm nou yo, yo moun dwe gen 13 an, ak akò paran l oswa li deja gen 18an.

7) Enfòmasyon ak disponiblite sit la

7.a) Nou pran swen nou pou verifye tout enfòmasyon sou sit la si yo kòrek epi konplè. Men nou gen anpil Enfòmasyon nou itlize selon lòt medya (nou ba yo kredi a), sa ka rive gen kèk fwa gen erè repòtaj nan piblikasyon nou yo. Pou rezon sa nou konseye w verifye pou tèt ou enfòmasyon nou bay yo.

7.b) Nou fè anpil efò pou nou kenbe sit nou an oswa aplikasyon nou an an liy epi ajou. Men gen kèk sikonstans ki pa anba kontwòl nou, you ladan yo oswa tou de, oswa kèk pati ladan yo ka ap bay ratman. Nou pwomèt pou n fè tout sa nou kapab ou retabli yo men nou pa responsab ankenn enkonvenyans sa lakoz.

8) Konpetisyon ak vòt

8.a) Detanzantan nou fè konpetisyon sou sit la, rezo sosyal nou yo, oswa aplikasyon mobil la. Chak konpetisyon sa yo ap gen yon pwòp règ yo.

8.b) Nou fè vòt oswa sondaj detanzantan tou. Sa yo gen pwòp règ pa yo selon lè a ak kisa yo ye.

9) Itlizasyon entènèt

9.a) Ou bezwen entènèt pou w jwenn aksè a sit nou an oswa aplikasyon nou an. Nou fè anpil efò pou yo itilize mwens done posib men nou pa responsab ankenn siplis done entènèt yo itilize pou kapab ba ou yon pi bon eksperyans.

9.b) Sit nou an parèt diferan sou telefòn, tablèt oswa òdinatè. Diferans sa yo pa depann de nou. Gen kèk pati oswa kèk fonksyonalite ki nan oswa pa nan youn oswa nan yon lòt. Nou pa responsab deferans sa yo nan gadjèt ou chwazi itilize yo.

9.c) Aplikasyon mobil nou an di pou ki vèsyon iOS oswa Android nou devlope l. No devlope yon fason pou l rive sou plis gadjèt posib. Men si lo bay ratman sou yon vèsyon ki pi ba pase sa nou devlope pou li a, nou pa responsab pou fikse sa

10) Sijesyon ak kontak

10.a) Nou fòm gen sijesyon ak kontak kontak sou sit la ak sou aplikasyon mobil la. Byen chwazi ki kote w ap fè sijesyon oswa kontakte nou pou nou ka fè sa nou dwe fè nan yon tan ki pi kout. Konsa mesaj ou a pap pran anpil tan san jwenn repons.

10.b) Kontakte nou oswa sijere nou sèlman bagay ki legal epi ki gen rapò ak sa nou fè nan GolAyiti.

11) Lyen sou lòt sit

11.a) Lè nou itilize lyen pou voye w sou lòt sit, nou pa gen ankenn kontwòl sou sa ki sou lòt sit yo.

11.b) Lyen sa yo ap toujou nan yon kontèks, ak koulè ble epi soulinye pou fè w konnen se lyen sou lòt sit.

12) Chanjman tèm ak kondisyon yo

Nou gen dwa chanje oswa modifye tèm ak kondisyon yo nenpòt lè san nou pa oblije avèti w, menmsi nou ap fè sa pa koutwazi nan yon piblikasyon. Se responsabilite w pou verifye si nou fè chanjman ladan yo sof si ou enskri sou fowòm nou an.