Politik konfidansyalite GolAyiti yo aplike lè ou vizite sit web nou an oswa itlize aplikasyon nou an. Sa yo gen ladan enskripsyon, kòmantè eksetera. Konfidansyalite yo pa menm pou entèraksyon sou rezo sosyal nou yo, lyen ki voye sou lòt sit nou pibliye. Nou pa responsab politik konfidansyalite lòt sit web oswa aplikasyon sa yo.

Itilize sit nou an, aplikasyon nou an idea entèraji ak nou sou rezo sosyal nou yo, montre ou dakò ak politik konfidansyalite nou an. Si ou pa dakò pa itilize sèvis nou yo.

Lè yon itilizatè ap itilize sèvis oswa platfòm nou yo nou pran kèk enfòmasyon sou yo. Nou pran 2 kategori enfòmasyon:

2.a) Enfòmasyon itilizatè a bay Enfòmasyon itilizatè a ba gen ladan non l, imèl li, modpas, foto li, kòmantè li fè sou platfòm nou an...eksetera

2.b) Enfòmasyon nou pran lè itilizatè a AP navige sit nou an Enfòmasyon sa yo gen ladan yo idantifyan gadjèt la, lokasyon, lojisyèl oswa aplikasyon, adrès IP, estatistik paj itilizatè a wè, koneksyon, kalite kontni sou sit nou an yo gade e nan ki lè, kantite tan yo pase sou sit nou an oswa sou yon pas espesyal.

Nou pran enfòmasyon sa yo pou kat (4) rezon byen detèmine:

3.a) Pou nou ka kontinye opere epi inove sèvis nou so bay yo paske gras ak enfòmasyon tankou feedback nou konnen ki kote nou dwe travay.

3.b) Pou nou ka espesyalize kontni yo nan fason chak itilizatè entèraji ak platfòm nou yo, pou yo ka pi alèz epi pi efikas nan navigasyon yo gras ak preferans yo non montre yo.

3.c) Pou nou detèmine ki kalite reklam ki ka rive sou yo selon lokasyon (lokasyon sèlman) yo.

3.d) Pou nou ka kreye rapò espesyalize pou nou evalye akwasman platfòm nou yo epi pote amelyorasyon.

Pifò enfòmasyon sou itilizatè a nou pran yo se sou fòm "cookies". Cookies se yon seri enfòmasyon ki rete nan nan navigatè itilizatè a oswa nan sèvè a pou yon kantite tan selon jan aplikasyon an pwograme. Nan platfòm nou yo nou itilize sèlman cookie ki nesesè pou fonksyonalite, pèfòmans ak analiz. Pa egzanp, yon cookie ka detèmine si w sou yon ekran piti oswa yon ekran laj pou montre w vèsyon ki apwopriye a. Yon lòt kapab konte konbyen fwa ou vizite sit nou an pou yon semèn, yon Jou oswa yon mwa.

Nou ka ba ou enfòmasyon nou genyen sou sou si ou mande nou sa yon fason fòmèl. Note byen sou tout platfòm nou yo se imèl ki idantifyan, si nou pa gen imèl ou, enfòmasyon nou gen sou ou yo pa idantifyab, kidonk nou pap ka jwenn yo pou ou.

Si w te kreye yon kont sou platfòm nou yo dezaktivasyon kont sa efase tout enfòmasyon nou te kolekte sou ou. Ou kapab tou ekri nou fòmèlman pou mande nou dezaktive kont ou a san oumenm ou pa fè sa. Lè sa nou ap poze w kèk kesyon verifikasyon epi nou ap fè sa jan w di a.

Nou konnen sekirite se yon bagay ki enpòtan anpil. Se pou sa nou pa kolekte done ki ka idaniyon moun pèsonèlman. Done ki pi pèsonèl nou kolekte se imèl.

Nou pap janm mande w modpas ou.

Nou pap janm mande w adrès fizik ou.

Nou pap janm mande w pyès idantifikasyon w.

Nou pap janm mande w nimewo kat bank ou osea nimewo kont bank ou.

Politik konfidansyalite sa yo ka chanje nenpòt lè. Nou pap toujou enfòme w chanjman sa yo si se pa gwo chanjman. Kontinye vizite paj sa pou w ka konnen yo.

Dènye mizajou sa sa se 17 Out 2022