Bundesliga

Preske yon lane depi li te blese, Manuel Neuer rejwe, ayè, nan viktwa Bayern Munich fè kont ekip Darmstadt la.

Ayè, nan Allianz Arena, Bayern Munich t ap resevwa Darmstadt. Yon match a 2 figi, aprè yon premye mitan ekilibre ant 2 ekip yo ki te fini (0-0). Nan dezyèm mitan an, Bavawa yo maspinen, mitonnen advèsè yo a (8-0), Harry Kane fè 3 gòl, Musiala ak Sané yo chak fè 2 gòl epi lòt la se Thomas Muller.

Pandan match sa, Manuel Neuer tounen sou teren foutbòl. Dènye fwa li te jwe ak Bayern se te 12 novanm 2022. Pye jwè a ta pral kase pandan l t ap fè Ski. Gadyen 37 lane a retounen preske yon lane aprè, tounen li an fèt byen piske nan match la li pa pran gòl.

Aprè match la, yon jounalis te mande l èske talè li pran l tounen nan seleksyon an, chanpyon dimond 2014 la te reponn konsa :" M p ap panse ak seleksyon an, m ap panse sèlman ak Bayern. Ayè, Nagelsmann te rele m pou l di m bòn chans pou match la. Sa te fè m byen anpil. Men kounya m vle jwe plis match ak Bayern e pou m ap pwofite chak moman ak koyekipye bavawa m yo." Se te deklarasyon jwè a.

KÒMANTÈ

Dènye atik yo