Bundesliga

Pou dezyèm sòti yo nan chanpyona Almay la, Bayern Munich genyen ekip Augsbourg la (3-1). Entènasyonal anglè a, Harry Kane fè yon double nan match sila a.

Denyè match pou dezyèm jounen chanpyona almay la te ka fini te mete fas pou fas Bayern Munich kont ekip Augsbourg la, nan Allianz Arena a. Yon match ki vire nan avantaj ekip ki sòti nan vil Munich la (3-1) gras ak Harry Kane ki fè 2 gòl nan match la, gen youn ladan yo se sou penalti, lòt bitè bavawa a se, defansè alman an, Félix Uduokhai ki bay tèt li gòl. Pou ekip Augsbourg la se Drena Beljo ki te sove lonè pou yo.

Aprè 2 jounen boul, Thomas Tuchel ak jwè li yo chita kò yo nan 2zyèm plas klasman an ak 6 pwen ak yon diferans (+6). Union Berlin kenbe premye plas la ak 6 pwen tou pou yon diferans (+6) tou. Li premye sou Bayern pou meyè atak, Augsbourg make 8 gòl yo pran 2 e Bayern make 7 gòl yo pran youn.

KÒMANTÈ

Dènye atik yo