Bundesliga

Nuri Sahin pèdi djòb li nan tèt ekip Dortmund nan aprè dewout yo yè kay Bologne nan Ligue des Champions an.

Match Ligue des Champions kont Bologne lan te yon dènye chans pou Shahin te kenbe djòb li nan klèb alman an. Men yè madi a, nan peyi Itali, Dortmund pèdi 2-1 malgre yo t ap mennen.



Nan koze C1 an, Bologne ki te mal kòmanse sezon an nan chanpyona Itali a ak konpetisyon ewopeyen an, rive anrejistre premye viktwa l pou sezon an nan Ligue des Champions an pou evite eliminasyon rapid la. Poutan, byen bonè nan rankont lan, Dortmund t ap mennen aprè yon penalite Guirassy te transfòme. Italyen yo pa t rete gade sa konsa jis yo rive chanje sitiyasyon an ak 2 jwè ki te sòti sou ban Dallinga e Iling-Junior. Fas ak defèt sila, Dortmund pako fin asire kalifikasyon li.



Pou peye defèt sa, direksyon klèb Borussia Dortmund lan deside koupe tèt chèf òkès la pandan yo mete li atè sèt mwa aprè yo te chwazi l pou mennen ekip la.



"Nou apresye Nuri Sahin anpil ak travay li, nou te swete yon kolaborasyon ki long e nou te espere jwenn yon bèl aktive espòtif ansanm jiskobou. Reyaksyon direktè espòtif Lars Ricken. Aprè kat(4) defèt konsekitif, yon sèl viktwa sou nèf dènye match yo, ajoute sou 10èm plas la nan Bundesliga, malerezman nou pèdi lafwa nan posiblite pou rive atenn objektif espòtif yo nan sitiyasyon nou ye moman an. Desizyon sa fè m lapèn, men pa t gen chwa aprè match kont Bologne lan".

KÒMANTÈ

Dènye atik yo