Bundesliga

Si sezon 2023-2024 la jèn antrenè espanyòl la Xabi Alonso te kanpe an gwo ponyèt nan chanpyona Almay la, sezon 2024-2025 lan gentan anonse yo farin lan pa vin nan menm sak.

Bayer Leverkusen ap konnen yon move moman pou kòmansman sezon an. Gwo sezisman an se paske yo rive kase pye yo devan ekip ki dènye nan chanpyona a (1-1 Bochum).

Apre 10 jounen boul, Xabi Alonso fè sèlman 4 viktwa nan Bundesliga a. Yo pèdi 5 match epi yo fè yon match nil.

Pandan bagay yo bèl nan men Bayern Munich, Leverkusen menm kanpe ap gade Bavawa yo ki ap grenpe echèl ak 9 pwen anplis yo.

Sa ki pi tèrib la, nan 6 dènye match Bayer Leverkusen yo (tout konpetisyon ladan), yo fè yon sèl grenn viktwa (sou yon ekip dezyèm divizyon chanpyona Almay la nan koup Almay, 3-0 Evelsburg).

Pou rapèl, sezon 2023-2024 la, Xabi te pèdi yon sèl match nan 3 konpetisyon li te angaje yo (Europa League, Bundesliga ak Koup Almay), se te final Europa League la kont Atalanta (3:0).

Apre 10 jounen nan Bundesliga sezon sa, Leverkusen poze nan 4èm plas la nan do Frankfurt ak 17 pwen.

KÒMANTÈ

Dènye atik yo