Bundesliga

Entènasyonal gineyen an se nèg ki pi frajil devan kan an pou kòmansman sezon an nan 5 gran chanpyona yo.

Serhou Guirassy ki gen 27 lane k ap jwe nan ekip VFB Stuttgart la nan premye divizyon Almay, se atakan ki pi frajil depi kòmansman sezon an la devan kan.

Nan sèlman 5 match li jwe pou kòmansman sezon an, entènasyonal gineyen an gentan make 10 gòl nan Bundesliga a. Avèk chif sa, Serhou depase ni atakan nòvejyen Manchester City a Erling Braut Haaland ki gen (8 gòl nan 6 match) e tou li depase atakan fransè PSG a Kilyan Mbappé (7gòl nan 6 match).

Pou dezyèm sezon l anndan ekip Stuttgart la kote l te debake kòm jwè prete anvan yo vin definitivman achte l, Serhou kòmanse nouvo sezon sa pi byen pase plizyè gran bitè Bundesliga a konnen, sof Robert Lewandowski.

Ansyen jwè Rennes lan, kòmanse an flanm kòmansman sezon an pou ekip Stuttgart la. Pèfòmans ki fè anpil je gentan brake sou li.

KÒMANTÈ

Dènye atik yo