Lòt Koze

Laprès nan peyi Almay gen gwo dout sou jèn jwè alman orijinè Kamewoun lan, Yousoufa Moukoko.

Selon enfòmasyon ofisyèl yo, ansyen jwè Borussia Dortmund lan fè nan dat 20 novanm 2004. Men se yon enfòmasyon ki gen gwo dout daprè revelasyon yon bòpè jwè a.

Jodi vandredi a, jounal Bild nan peyi Almay te bay pawòl ak Joseph Moukoko (anvan sa yo te di se papa l, kounya yo di li se papa adoptif li).

Joseph Moukoko fè sèman li pa bon papa Yousoupha Moukoko, ni madanm li pa bon manman l. Li tou deklare tou Yousoufa pa fèt 20 novanm 2004 vre. Selon Joseph Moukoko, jèn jwè a ta fèt nan dat 19 jiyè 2000.

"Kòm mwen konnen yo pini moun ki bay manti sou sèman. Mwen deklare : Yousoufa Moukoko pa bon pitit mwen, ni li pa bon pitit madanm mwen. Ni tou li pa fèt 20 novanm 2004. Mwen te bay fè yon fo batistè pou li nan vil Yawoude. Epi mwen ale anbasad la, mwen jwenn yon paspò epi mwen mennen l nan peyi Almay kòm pitit mwen. An reyalite li fèt nan dat 19 jiyè 2000. Se nou menm ki retire 4 lane nan vrè laj li nou mete l fè nan lane 2004", deklarasyon Joseph Moukoko sou laj pitit adoptif li Yousoufa Moukoko ki ap jwe kounya nan Nice nan peyi Lafrans.

KÒMANTÈ

Dènye atik yo