Ekspatriye

Nan okazyon 3zyèm jounen UEFA Champions League la, ekip Lyon an (OL) pral fè yon deplasman enpòtan sou teren AS Roma nan peyi Itali. Melchie Dumornay fè pati de jwèz sa yo ki pral chache ranpòte viktwa sa pou rete premye nan gwoup la.

Aprè 6 viktwa ak yon sèl match nil depi kòmansman sezon an nan Arkema Première Ligue la, ekip Lyonèz yo te byen demare Lig Chanpyon an tou. Yo te ranpòte de (2) match yo ak yon bèl pèfòmans : yo te bat Galatasaray (3-0) epi Wolfsburg (2-0). Menm jan ak AS Roma, ki fè yon demaraj solid nan Champions League la, menm jan ak Lyon yo genyen 6 pwen nan djakout yo tou, sa ki fè match sa a desizif pou jwenn yon plas nan tèt gwoup la apre 3 jounen yo. Match sa se pou aprèmidi a, a 3zè nan lè Ayiti.

AS Roma fè gwo rezilta sezon pase a, se yo ki ranpòte chanpyona ak koup Itali an, men nan sou sèn Ewopeyen an, yo te elimine nan faz gwoup la. Pou sezon sa, ekip Womèn nan yo poko janm pèdi lakay yo, epi yo pèdi yon match sèlman kont Juventus mwa pase a.

Objektif Fenòt yo la se pran premye plas gwoup la. Melchie Dumornay rete sou yon bèl pèfòmans kote li te make yon gòl epi bay 2 pas gòl kont EA Guingamp nan yon viktwa klè (8-0) yo te fè nan chanpyona.

KÒMANTÈ

Dènye atik yo